• 29-07-2022
    რა თანხა გამოიმუშავეს ქართულმა კლუბებმა ევროტურნირებზე
    რა თანხა გამოიმუშავეს ქართულმა კლუბებმა ევროტურნირებზე
    Aa

    ივლისში დაწყებული ევროსეზონი ქართულმა კლუბებმა ივლისშივე დაასრულეს. გორის "დილა" და თბილისის "დინამო" კონფერენს ლიგის გათამაშებას პირველივე ეტაპიდან გამოეთიშნენ, "საბურთალომ" ალბანური "პარტიზანი" დაამარცხა, თუმცა ბუქარესტის "სტიაუას" ბარიერი მათთვის გადაულახავი აღმოჩნდა, ხოლო "დინამო ბათუმმა" ჯერ ჩემპიონთა ლიგაზე განიცადა მარცხი ბრატისლავის "სლოვანთან", მერე კი პოზნანის "ლეხთან" წააგო კონფერენს ლიგაზე.


    მიუხედავად ამ კატასტროფული შედეგებისა, ეს ოთხი კლუბი უეფასგან მაინც სოლიდურ თანხებს მიიღებს:


    "დინამო ბათუმი": 630 ათასი ევრო (280 ათასი ევრო ჩემპიონთა ლიგაზე თამაშისთვის, 350 ათასი კონფერენს ლიგის მეორე ეტაპზე თამაშისთვის)


    "საბურთალო": 350 ათასი ევრო (კონფერენს ლიგის მეორე ეტაპზე თამაშისთვის)


    "დილა გორი": 150 ათასი ევრო (კონფერენს ლიგის პირველ ეტაპზე თამაშისთვის)


    "დინამო თბილისი": 150 ათასი ევრო (კონფერენს ლიგის პირველ ეტაპზე თამაშისთვის)


    როგორც ხედავთ, ქართული გუნდების ბიუჯეტში ევროპული ფეხბურთის მმართველმა ორგანიზაციამ ჯამში 1 მილიონ 280 ათასი ევრო შეიტანა, თუმცა ის, თუ რამდენად სწორად დაიხარჯება ეს თანხა, უკვე აღნიშნული კლუბების ხელმძღვანელობათა კეთილსინდისიერებასა და კომპეტენციაზეა დამოკიდებული.

    Facebook კომენტარები