"პორტუსა" და "ბარსელონას" შორის გუშინ გამართულ მატჩში რობერტ ლევანდოვსკიმ ტრავმა მიიღო. პოლონელმა თავდამსხმელმა მარცხენა ფეხის კოჭი დაიზიანა.

ესპანელი ჟურნალისტის, ტონი ხუანმარტის ინფორმაციით, 35 წლის ცენტრფორვარდი "ბლაუგრანას" მომდევნო 3 შეხვედრას გამოაკლდება.

რობერტი შემდეგი გუნდების წინააღმდეგ ვერ ითამაშებს:

"გრანადა"

"ატლეტიკი"

"შახტარი"

"ბარსაში" ახლა იმაზე უნდა იმუშაონ, რომ ლევანდოვსკიმ 28 ოქტომბერს გასამართი "ელ კლასიკოსთვის" მოასწროს გამომჯობინება. იქამდე კი სასტარტო შემადგენლობაში მას ფერან ტორესი ჩაანაცვლებს.

მიმდინარე სეზონში ნათამაშებ 10 მატჩში რობერტმა თავი 6 გოლითა და 4 ასისტით გამოიჩინა.