ბოლო დროს, უცხოურ მედიაში "ნაპოლის" შემტევი, ხვიჩა კვარაცხელია ლონდონის "ჩელსისთან" აქტიურად დააკავშირეს.

ამ საკითხთან დაკავშირებით ჟურნალისტმა, ფაბრიციო რომანომ ახალი ინფორმაცია გაავრცელა.

მისი თქმით, "არისტოკრატები" ამ მომენტისთვის ქართველი ვინგერის შეძენაზე უარს ამბობენ.

როგორც ირკვევა, ამის მთავარი მიზეზი მიხაილო მუდრიკია. წყაროს ცნობით, ლონდონელები უკრაინელს სრულ ნდობას უცხადებენ.

ასე და ამგვარად, თუ ფაბრიციოს დავუჯერებთ, ნაკლებად სავარაუდოა, რომ "ლურჯებმა" კვარასთვის გაიბრძოლონ.