• 03-04-2022
    "ნაპოლი" კვლავ თამაშშია- "ატალანტა" ოთხეულს შორდება
    "ნაპოლი" კვლავ თამაშშია- "ატალანტა" ოთხეულს შორდება

    იტალიის სერია ას 31-ე ტურის ერთ-ერთი გამორჩეული მატჩი ბერგამოში შედგა, სადაც ადგილობრივი "ატალანტა" "ნაპოლის" დაუხვდა. სტუმრები შეხვედრას დიდი დანაკლისით ეგებებოდნენ. ვიქტორ ოსიმენთან ერთად  "პარტენოპეის" ალექს მერეტი, ჯოვანი დი ლორენცო, ანდრეა პეტანია და პიოტრ ზელენსკი აკლდა. მასპინძლები კი ძირითადი შემადგენლობის ფეხბურთელებიდან რაფაელ ტოლოისა და იოსეფ ილიჩიჩს მოისაკლისებდნენ. 


    მატჩი მეტად დაძაბული და უხვგოლიანი გამოდგა. ანგარიში ლორენცო ინსინიემ მე-14 წუთზე თერთმეტმეტრიანის დახმარებით გახნსა, ცოტა ხანში კი მატეო პოლიტანომ ნეაპოლელთა სხვაობა ორ ბურთამდე გაზარდა. შეხვედრის მეორე ნახევარში მასპინძლებმა ერთი ბურთი მარდი დე როონის წყალობით გაქვითეს, თუმცაღა ელიფ ელმასმა ყველაფერს წერტილი დაუსვა და საბოლოო ჯამში ეს დაპირისპირება "ნაპოლის" გამარჯვებით 3-1 დასრულდა.


    ამ მომენტისთვის "მილანსა" და "ნაპოლის" 66 ქულა აქვთ, თუმცაღა "როსონერი"  თავის მატჩს ხვალ გამართავს. ხოლო რაც შეეხება უახლოეს მდევრებს, დღეს  "იუვე"  "ალიანს სტადიუმზე" "ინტერს" დაუხვდება და გამარჯვების შემთხვევაში მესამე ადგილზე გადაინაცვლებს. "ატალანტა" კი მეშვიდეა და ჩემპიონთა ლიგის ზონამდე 8 ქულა აშორებს. 

    ტეგები:
    Facebook კომენტარები