• 04-05-2022
    SPORT: დე იონგის "იუვენტუსში" ტრანსფერი შეუძლებელია
    SPORT: დე იონგის "იუვენტუსში" ტრანსფერი შეუძლებელია

    "ბარსელონას" ნიდერლანდელი ნახევარმცველი, ფრენკი დე იონგი ბოლო დღეებში რამდენიმე კლუბს დაუკავშირეს.


    24 წლის ფეხბურთელის სახელი ახსენეს "მანჩესტერ იუნაიტედთან", "ბაიერნთან", "პარი სენ ჟერმენთან" და "იუვენტუსთან" მიმართებაში, თუმცა ამ ოთხეულს ერთი გუნდი უნდა ჩამოვაშოროთ.


    საქმე იმაში მდგომარეობს, რომ თუ SPORT-ს დავუჯერებთ, ფრენკის "იუვეში" ტრანსფერი წარმოუდგენელი ოცნებაა.


    წყაროს თანახმად, "ზებრები" დე იონგის სატრანსფერო ღირებულებას ვერ გაწვდებიან. ამიტომაცაა, რომ მათ "ბლაუგრანას" ბარტერი შესთავაზეს.


    კატალონიური გრანდი "ბიანკონერის" ფეხბურთელებით არ ინტერესდება და ესაა მთავარი მიზეზი, რატომაც ფრენკის პიემონტში გადაბარგება შეუძლებელი ჩანს.


    შეგახსენებთ, რომ მიმდინარე სეზონში ნიდერლანდელმა 44 მატჩი ჩაატარა, გაიტანა 4 გოლი და გააკეთა 5 ასისტი. მას "ბარსელონა" 75 მილიონ ევროდ აფასებს.

    Facebook კომენტარები