• 06-08-2022
    დეკომ რაფინიას "ბარსაში" წასაყვანად 5 მილიონზე თქვა უარი
    დეკომ რაფინიას "ბარსაში" წასაყვანად 5 მილიონზე თქვა უარი

    როგორც მოგეხსენებათ, 25 წლის შემტევის, რაფინიას "ლიდსიდან" "ბარსელონაში" ტრანსფერში უდიდესი როლი ფეხბურთელის აგენტმა, დეკომ შეასრულა.


    იორკშირული კლუბი "ჩელსისთან" შეთანხმებული იყო, რაც ტრანსფერს თითქმის გარდაუვალს ხდიდა, თუმცა ბრაზილიელმა ლეგენდამ თანამემამულის სურვილი გაითვალისწინა და მის "კამპ ნოუზე" წასაყვანად ყველაფერი გააკეთა.


    როხერ ტორელოს ინფორმაციით, დეკომ, რომელიც "ბარსასთვის" ბრაზილიაში სკაუტინგსაც აწარმოებს, ამ პროცესის დროს დიდ თანხაზეც თქვა უარი.


    რაფინია რომ "ჩელსიში" წასულიყო, დეკოს საკომისიო თანხის სახით 5.13 მილიონი ევრო ერგებოდა. ბრაზილიელის მიერ ამაზე უარის თქმა გახლდათ ერთ-ერთი მიზეზი, რატომაც "ლიდსმა" ახალგაზრდა ფეხბურთელი "ბარსელონაში" გაუშვა, მიუხედავად "ჩელსის" მიერ უფრო დიდი თანხის შეთავაზებისა.


    წყაროს თანახმად, დეკომ მხოლოდ რაფინიას ხელფასის 5% მიიღო. მას ეს თანხა ფიფას წესებით ეკუთვნოდა. აღნიშნული ხარჯი "ლურჯ-ბროწეულისფრებმა" აიღეს თავიანთ თავზე.


    აქვე შეგახსენებთ, რომ რაფინიამ "ბარსას" მაისურით უკვე 4 მატჩში მიიღო მონაწილეობა. მან თავი 2 გოლითა და 3 ასისტით გამოიჩინა.

    Facebook კომენტარები