20 წლის ქართველი ფეხბურთელი, გიორგი კვერნაძე კარიერას “ფროზინონეში” გააგრძელებს. 

იტალიური გუნდის პრეზიდენტმა, გუიდო ანგელოზიმ გიორგის ტრანსფერის შესახებ Sky Sport-თან ისაუბრა:

“გიორგი კვირას ჩამოვა, ორშაბათს კი ჩვენს გუნდთან კონტრაქტს ხელს მოაწერს და სამედიცინო შემოწმებას გაივლის”. - განაცხადა ანგელოზიმ.

ცნობისთვის, გიორგი კვერნაძე ბოლოს ბათუმის “დინამოში” ასპარეზობდა, სადაც 7 ჩატარებულ შეხვედრაში 1 საგოლე გადაცემა შეასრულა.

გიორგი თბილისის “საბურთალოს” აკადემიის აღზრდილი გახლავთ, 20 წლის ფეხბურთელს “თელავშიც” უთამაშია.

საგულისხმოა, რომ გიორგის საქართველოს ყველა ასაკობრივ ნაკრებში თამაშის გამოცდილება აქვს. 

აქვე გეტყვით იმასაც, რომ “ფროზინონე” სერია ა-ში ახლახან აღზევდა.