ნახევარდაცვის მეტნაკლებად დაკომპლექტების შემდეგ, "მილანის" პრიორიტეტი ცენტრალური თავდამსხმელის პოზიციის გაძლიერებაა. 

როგორც მოგეხსენებათ, ალვარო მორატას ვარიანტი ნელ-ნელა გამოირიცხა,  "როსონერი" კი "ვილიარეალის" ფორვარდ არნო დანჟუმას და "პორტუს" ფეხბურთელ მეჰდი ტარემის ვარიანტებს განიხილავს.

როგორც ცნობილია, იტალიურმა გრანდმა ორივე ფეხბურთელთან პირადი კონტრაქტის დეტალები უკვე შეათანხმა. "როსონერი" 30 წლის მეჰდის 3-წლიან ხელშეკრულებას და ანაზღაურების სახით 3 მილიონ ევროს დაჰპირდა. შესაბამისად, ახლა ჯერი კლუბთან შეთანხმებაზეა.

"MilanNews"-ის ინფორმაციით, ძალიან მალე "მილანის" წარმომადგენლები "პორტუსთან" მოლაპარაკებების მაგიდას მიუსხდებიან და ფეხბურთელისთვის 15-მილიონიან შეთავაზებას გააკეთებენ, თუმცა ცნობილია, რომ პორტუგალიურ მხარეს გუნდის ერთ-ერთი ლიდერის სანაცვლოდ 20-22 მილიონი სჭირდება.

ცნობისთვის, ირანელი ფეხბურთელი "პორტუში" 2020 წლიდან თამაშობს. მენდიამ 147 ოფიციალურ მატჩში 80 გოლი და 49 შედეგიანი გადაცემა მიითვალა.