24-03-2024
ვასილიოს გორდეზიანი თბილისის “დინამოში” ითამაშებს
Author of the article
22 წლის ქართცელი ფეხბურთელი, ვასილიოს გორდეზიანი კარიერიას თბილისის “დინამოში” გააგრძელებს. ინფორმაციას დედაქალაქური გუნდი სოციალურ ქსელში ავრცელებს.
მხარეებს შორის ხელშეკრულება 2026 წლის ბოლომდე გაფორმდა.
ვასილიოს გორდეზიანი პაოკის აკადემიის აღზრდილია, ბერძნული კლუბის თითქმის ყველა ასაკობრივ გუნდში აქვს ნათამაშები, პირველი გუნდის მაისური კი ორჯერ მოირგო. გორდეზიანი ბოლოს “პაოკ B”-ში ასპარეზობდა, რომელიც საბერძნეთის რანგით მეორე ლიგაში გამოდის. საერთო ჯამში ახალგაზრდა ცენტრალურ თავდამსხმელს “პაოკ B”-ში 45 მატჩი აქვს ჩატარებული, მის ანგარიშზე 11 გოლი და 4 საგოლე გადაცემაა.
რაც შეეხება გორდეზიანის სანაკრებო კარიერას, მას საქართველოს 21-წლამდე ნაკრებში სამი შეხვედრა აქვს გამართული და ერთი გოლით გამოიჩინა თავი.
ვასილიოს გორდეზიანი დინამო თბილისს 21-წლამდე ნაკრების შეკრების დასრულებისთანავე შეუერთდება.
ტეგები:
Facebook კომენტარები