• 02-02-2023
    კარეკა: "ნაპოლი" ერთი დიდი ოჯახია"
    [/xfgiven_playerads]
    კარეკა: "ნაპოლი" ერთი დიდი ოჯახია"
    Aa

    იტალიური "ნაპოლის" ლეგენდა, ანტონიო ფილიპო ოლივეირა, რომელსაც კარეკას მეტსახელით ვიცნობთ, სულ ცოტა ხნის წინ "პარტენოპეის" სავარჯიშო ბაზას ესტუმრა.


    ნეაპოლური გუნდის ბაზის ნახვით მიღებული შთაბეჭდილებები კარეკამ ჟურნალისტებსაც გაუზიარა.


    "ახლა "ნაპოლი" ერთი დიდი ოჯახია. ლუჩიანო სპალეტის გავესაუბრე. ფეხბურთელები ერთმანეთისადმი მეგობრულად არიან განწყობილნი. რაც ყველაზე მთავარია, თითოეულ მათგანს სწყურია გამარჯვება.


    ლუჩიანოს თქმით, გუნდში არაერთი ნიჭიერი მოთამაშე ჰყავს. თავად სპალეტი წაგებას ვერ იტანს და ამ მენტალიტეტის ბიჭებში ჩანერგვასაც ცდილობს," - განაცხადა ვეტერანმა ფეხბურთელმა.


    შეგახსენებთ, რომ სერია ა-ს 20 ტურში ნეაპოლელებს 53 ქულა აქვთ აღებული, სატურნირო ცხრილის პირველ ადგილზე იმყოფებიან და მეორეადგილოსან "ინტერს" 13 ქულით უსწრებენ.


    მომდევნო მატჩი "ნაპოლის" "სპეციას" წინააღმდეგ ელოდება. აღნიშნული შეხვედრა 5 თებერვალს, თბილისის დროით 15:30 საათზე დაიწყება.

    ტეგები:
    Facebook კომენტარები