• 03-06-2022
    "ამის უკან პოლიტიკა დგას!" - უტკინი უკრაინის მატჩზე საუბრობს
    "ამის უკან პოლიტიკა დგას!" - უტკინი უკრაინის მატჩზე საუბრობს
    Aa

    ცნობილი რუსი სპორტული ჟურნალისტი, ვასილი უტკინი მიიჩნევს, რომ შოტლანდიისა და უკრაინის ნაკრებების დაპირისპირება, რომელიც მსოფლიო ჩემპიონატის შესარჩევი ეტაპის ფლეიოფის ეგიდით გაიმართა, რუსეთში პოლიტიკური ნიშნით არ აჩვენეს.


    "ჩემი აზრით, უელსისა და უკრაინის შეხვედრა, სადაც მუნდიალზე გამსვლელის ვინაობა გაირკვევა, მეტად საინტერესო გამოვა. რა თქმა უნდა, რუსეთში ამას არავინ გვაყურებინებს, რისი მიზეზების განხილვაც სრული აბსურდია, მაგრამ ეს შეხვედრა ყველა რეიტინგს მოხსნის.


    სამწუხაროა, მაგრამ რუსეთის ნაკრები იძულებით უქმობას აგრძელებს. თუ ვინმე მიიჩნევს, რომ ეს პოლიტიკური მიზეზით არ ხდება და სპორტი და პოლიტიკა გამიჯნულნი არიან, გირჩევთ, დაფიქრდეთ:


    რატომ ვერ მოხერხდა რუსეთში შოტლანდია-უკრაინის მატჩისთვის თვალის ტელევიზორით მიდევნება და რატომ განმეორდება ეს უელსი-უკრაინის შეხვედრაზეც? - რა თქმა უნდა, ამის უკან პოლიტიკა დგას.


    არაფერია, თითქოს უკმაყოფილოც არავინ ჩანს, წუწუნებს, უძლებს, ეძებს სხვადასხვა გზას... ინტერნეტში თამაშს კი ნამდვილად ვერ უყურებ," - თქვა უტკინმა თავის Youtube-არხზე.


    შეგახსენებთ, რომ უკრაინამ შოტლანდიას გლაზგოში ორბურთიანი სხვაობით მოუგო (3:1) და კვირას უელსთან თამაშის უფლება მოიპოვა. სწორედ უელსთან ჯახში ეცდებიან უკრაინელები კატარი 2022-ის საგზურის მოპოვებას.


    Facebook კომენტარები