"ბარსელონას" მთავარი მწვრთნელობის კანდიდატთა შორის ყველაზე რეალურად ჰანსი ფლიკი მიიჩნეოდა, თუმცა დღეს გავრცელებულ ცნობებს თუ დავეყრდნობით, 58 წლის სპეციალისტის სამუშაო ადგილი შეიძლება სულ სხვაგან მოიძებნოს.
BILD-ის ინფორმაციით, მიუნხენის "ბაიერნის" ხელმძღვანელობის ზოგიერთ წევრს გუნდის სწორედ ფლიკისთვის ჩაბარება უნდა. უკვე შედგა რამდენიმე გასაუბრებაც.
წყაროს თანახმად, ჰანსი "რეკორდმაისტერს" თვალს აქტიურად ადევნებს, თუმცა "ბლაუგრანას" ინტერესსაც დიდ პატივად მიიჩნევს.
BILD-ის ამ ცნობებს ესპანური SPORT გამოეხმაურა, რომელმაც საკმაოდ საინტერესო ვერსია შემოგვთავაზა.
"თუ თომას ტუხელი "ბაიერნს" დატოვებს და მისი შემცვლელი ჰანსი ფლიკი იქნება, ტუხელიც შეიძლება "ბარსელონა" დაინტერესდეს," - ვკითხულობთ სტატიაში.
შეგახსენებთ, რომ ტუხელის ბავარიული გრანდიდან გაშვების საფრთხე ახლა საკმაოდ რეალურია, რადგან მისი გუნდი ბუნდესლიგის ლიდერ "ლევერკუზენს" 5 ქულით ჩამორჩება და დამაკმაყოფილებელს ვერც თამაშის ხარისხს ვუწოდებთ.