• 13-06-2022
    "ხვიჩას თამაშის ყურება ისეთივე სასიამოვნოა, როგორც.." - რას წერს იტალიური მედია
    "ხვიჩას თამაშის ყურება ისეთივე სასიამოვნოა, როგორც.." - რას წერს იტალიური მედია

    როგორც მოგეხსენებათ, გუშინ საქართველოს ნაკრებმა ივნისის სანაკრებო ბატალიები დაასრულა. "ჯვაროსნებმა" ბულგარეთს უმასპინძლეს, მატჩი კი ფრედ, 0:0 დასრულდა.


    შეხვედრის დასრულების შემდეგ იტალიურ პრესაში ხვიჩა კვარაცხელიას ძალიან ბევრი სიახლე მიეძღვნა და აშკარაა, რომ "ნაპოლიში" მის გამოჩენას მოუთმენლად ელიან.


    "როდესაც "ნაპოლიმ" კვარაცხელია გაიფორმა, თითქმის ყველა გულშემატკივარი დაბნეული იყო, რადგან მას ბევრი არავინ იცნობდა, თანაც ტრანსფერში საკმაოდ სოლიდური თანხა გადაიხადეს, თუმცა ახლა სიტუაცია რადიკალურად შეიცვალა. იტალიელ გულშემატკივრებს "ქართველი მესის" თამაშის ყურების შესაძლებლობა ეროვნულ ნაკრებში აქვთ. ის იქნება შემტევი, რომელიც ლორენცო ინსინიეს ღირსეულად ჩაანაცვლებს.


    ნახეთ როგორ გადაუგდო გიბრალტარის მეკარეს ბურთი თავზე? და მაკედონიელ მეკარეს საიდან გაუტანა? Corriere del Mezzogiorno წერს, რომ ხვიჩას თამაშის ყურება ისეთივე სასიამოვნოა, როგორც უდაბნოში ცოტა წყლის დალევა. ერთა ლიგაზე ნაჩვენები შედეგით კვარაცხელია "ნაპოლის" ერთ-ერთი ლიდერი უნდა იყოს", - წერს areanapoli.


    "სპალეტისა და იტალიელ ქომაგებს ხვიჩა უკვე შეუყვარდათ, ამჯერად ივლისში შევხვდებით, ნეაპოლში, და ,თანაც, დიდი ხნით", - ეს კი უკვე spazionapoli-ს ეკუთვნის.

    Facebook კომენტარები