"მილანი" ჰოლანდიელ ვუნდერკინდს უმიზნებს

9-05-2017, 15:42

ზაფხულის სატრანსფერო ფანჯრის მოახლოებასთან ერთად სულ უფრო და უფრო აქტიურდებიან ევროპული კლუბები. ამ მხრივ ყურადღების ცენტრში მილანური გრანდიც მოექცა. მას შემდეგ რაც ჩინელებმა სილვიო ბერლუსკონისგან კლუბი ოფიციალურად გადაიფორმეს, ახალი მფლობელები გულშემატკივრებს ძველი დიდების დაბრუნებას შეპირდნენ. "როსონერიმ" უკვე მიაღწია შეთანხმებას "ვილიარეალის" ახალგაზრდა ნახევარმცველის მატეო მუსაჩიოს გადმობირებასთან დაკავშირებით. ასევე იტალიური კლუბის ინტერესის სფეროში მოექცა "ატალანტას" 20 წლის ჩამშლელი ნახევარმცელი ფრანკ კესი. მიუხედავად ამისა, ამ ყველაფერთან ერთად კლუბის მესვეურებს ჰაერივით სჭირდებათ ფორვარდის დამატება.

როგორც მოგეხსენებათ კარლოს ბაკა სეზონის ბოლოს მილანის დატოვებას გეგმავს, რაც იმას ნიშნავს, რომ "როსონერიმ" ახალი ფორვარდის ძიება უნდა დაიწყოს. ამ ხრივ "მილანს" 3 არჩევანი აქვს. აქცენტი რა თქმა უნდა ახალგაზრდებზე კეთდება. პირველ ვარიანტად მადრიდის "რეალის" ფორვარდი ალვარო მორატა განიხილება, რომელსაც სათამაშო დროის არ ქონის გამო კლუბის დატოვება ისედაც სურს. მეორე ვარიანტად "ფიორენტინას" თავდამსხმელი ნიკოლა კალინიჩს მოიაზრებენ, რომელიც ზემოთ ხსენებული კლუბის რიგებში დამაჯერებელი თამაშით გამოირჩევა. მესამე ვარიანტი კი ყველასათვის მოულოდნელად "აიაქსის" 20 წლის ვუნდერკინდი კასპერ დოლბერგია. კასპერს დიდ მომავალს უწინასწარმეტყველებენ, რადგან მას ყველაფერი აქვს იმისთვის, რომ ის ფეხბურთის ნამდვილ ვარსკვალავად ჩამოყალიბდეს.

ახალგაზრდა ჰოლანდიელი ტალანტი, მიმდინარე სეზონს ფანტასტიკურად ატარებს. მან 38 ჩატარებულ მატჩში ჰოლანდიის ჩემპიონატში 14 ხოლო ევროპა ლიგაზე 5 გოლის გატანა მოახერხა. კასპერი სწრაფი, ტექნიკური და რაც მთავარია ახალგაზრდა ფეხბურთელია და ეს უკანასკნელი მისი შეძენის შანსს ალვარო მორატასა და ნიკოლა კალინიჩზე მეტად ზრდის. ჰოლანდიელი ფეხბურთელის სატრანსფერო ღირებულება 30 მილიონ ევროს წარმოადგენს.

კომენტარის დასამატებლად გთხოვთ გაიაროთ რეგისტრაცია.

ქართული ამბები

ჩვენებურებმა ჩემპიონთა ლიგის საგზური გაინაღდეს

პროგნოზები

დაგვიმეგობრდით