ჟურნალისტმა როჯერ ტერილიომ "ნაპოლის" შემტევზე, ხვიჩა კვარაცხელიაზე საინტერესო ინფორმაცია გაავრცელა.

წყაროს ცნობით, ქართველი ვინგერის დამატებას კატალონიის "ბარსელონაში" სერიოზულად განიხილავენ.

როგორც იწერება, "ბლაუგრანა" ზაფხულში მარჯვენა ფლანგის გაძლიერებას გეგმავს და ერთ-ერთი ვარიანტი სწორედ საქართველოს ნაკრების ვარსკვლავია.

აღსანიშნავია, რომ ამ საკითხთან დაკავშირებით კვარას მხარის პოზიცია ჯერჯერობით უცნობია.

აქვე გეტყვით, რომ ხვიჩას "პარტენოპეისთან" კონტრაქტი 2027 წელს ეწურება.