ემოცია ვერ შეიკავა - ჩარლზ ოლივეირა ილია თოფურიასთან ბრძოლის ჩანიშვნას გამოეხმაურა

UFC-ის პრეზიდენტის, დანა უაითის განცხადებით, 29 ივნისს ლას ვეგასში ქართველი მებრძოლი ილია თოფურია ორგანიზაციის მსუბუქი წონის (70კგ) საჩემპიონო ქამრისთვის ბრაზილიელ ჩარლზ ოლივეირას შეხვდება.

მიმდინარე წლის დასაწყისში 28 წლის თოფურიამ ქვემსუბუქი დივიზიონის (65კგ) ქამარი დათმო და განაცხადა, რომ მსუბუქ წონაში გადადიოდა, სადაც მხოლოდ ტიტულისთვის იბრძოლებდა.

70კგ წონითი კატეგორიის ჩემპიონმა, ისლამ მახაჩევმა ქვესაშუალო დივიზიონში (77კგ) გადასვლის გადაწყვეტილება მიიღო, სადაც, სავარაუდოდ, სატიტულო ბრძოლას ავსტრალიელი ჯეკ დელა მადალენას წინააღმდეგ ჩაატარებს. შესაბამისად, მან თავისი წონის ქამარი დათმო.

ჩარლზ ოლივეირა ბრძოლის ჩანიშვნას ასე გამოეხმაურა - ახლა უკვე ეს რეალურია. ჩემო ოჯახო, 28 ივნისს გნახავ.