• 06-07-2022
    მამარდაშვილს "ვალენსიაში" პრობლემები შეექმნა
    მამარდაშვილს "ვალენსიაში" პრობლემები შეექმნა

    "ვალენსია" ახალი სეზონისთვის მზადებას უკვე შეუდგა. 


    Eldesmarque-ს ცნობით, ჯენარო გატუზო "ღამურებს" დღეში ორჯერ ავარჯიშებს, მაგრამ გუნდის ორ ფეხბურთელს - გიორგი მამარდაშვილსა და უროშ რაშიჩს - გარკვეული პრობლემები შეექმნათ და მადრიდში მოუხდათ გამგზავრება.


    საქმე იმაში მდგომარეობს, რომ ბრექსიტმა ევროკავშირის ტერიტორიაზე გადაადგილების წესები შეცვალა. ამიტომაა, რომ ქართველმა და სერბმა ლეგიონერებმა ახალი ვიზები უნდა აიღონ.


    წყაროს თანახმად, გიორგი და უროში ხუთშაბათისთვის დაბრუნდებიან. მათ "ნოტინგემ ფორესტთან" გასამართ მატჩშიც შეეძლებათ მონაწილეობის მიღება.


    ცნობისთვის, პრემიერლიგურ კლუბს "ლოს ჩე" 30 ივლისს შეხვდება. 18 ივლისს ვალენსიელებს "დორტმუნდთან" აქვთ დაგეგმილი საკონტროლო შეხვედრა, 23 ივლისს "შტუტგარტს" შეხვდებიან, ხოლო 6 აგვისტოს - "ატლანტას".


    ლა ლიგას "ღამურები" 14 აგვისტოს "ჟირონასთან" დაპირისპირებით გახსნიან.


    Facebook კომენტარები
    მეტი სიახლის ნახვა