• 29-03-2022
    “ვეცდები ეროვნულ ნაკრების სიაში სისტემატიურ მოვხვდე” - ინტერვიუ სერგი კუხიანიძესთან
    “ვეცდები ეროვნულ ნაკრების სიაში სისტემატიურ მოვხვდე” - ინტერვიუ სერგი კუხიანიძესთან

    ეროვნული ლიგის გასულ სეზონში "სამგურალის" რიგებში ერთ-ერთი გამორჩეული ფეხბურთელი სერგი კუხიანიძე გახლდათ. ზაფხულში ამხანგურ შეხვედრებში, ვილი სანიოლმა 22 წლის ფეხბურთელი ეროვნულ ნაკრებში გამოიძახა.


    ახაგაზრდა თავდამსხმელმა 8 დეკემბერს დავით ყიფიანის სახელობის თასის ფინალურ შეხვედრაში დაზიანება მიიღო და მოედანს 2 აპრილს ქუთაისის "ტორპედოსთან" დაუბრუნდება.


    "ფუტბოლნიუსი" სერგი კუხიანიძეს დაუკავშირდა და მასთან მცირე ინტერვიუ ჩაწერა:


    – ტრავმის შემდეგ მოედანს უბრუნდები, როგორ გრძნობ თავს და როგორ ფორმაში იმყოფები? 


    – ტრამვა მქონდა და შესაბამისად ვერ მოვახერხე ამ მიზეზის გამო ამ ტურებში გუნდის დახმარება. ახლა უკვე გამოვჯამრთელდი და ვეცდები მალე აღვიდგინო ძალები და დავეხმარო გუნდს დიდი მიზნების ასრულებაში.


    – რა გეგმები აქვს სამგურალს მიმდინარე სეზონში?


    – სამგურალის გეგმები რაც შეიძლება დიდი მიზნებისთვის ბრძოლაა. ყველა თამაშზე მოსაგებად გავდივართ და ვნახოთ რა იქნება, ჩვენ ვეცდებით მაქსიმუმი დავდოთ ყველა თამაშზე.


    – სამგურალი სეზონის წინ ძალიან გაძლიერდა, აპირებს თუ არა იმერული კლუბი სამეულისთვის ბრძოლას?


    – დიახ დავიმატეთ კარგი ფეხბურთელები. გუნდი დაკომპლექტდა გამოცდილი და ახალგაზრდა ფეხბურთელებით. შესაბამისად ვფიქრობ, რომ მაღალი მიზნისთვის ვიბრძოლებთ. ჩვენი მიზანი არის ის, რომ ეს გუნდი იყოს რაც შეიძლება მაღალ საფეხურზე.


    – გასულ სეზონში ბომბარდირთა დავაში მე-5 ადგილი დაიკავე, როგორ შეაფასებდი შენს მიერ ჩატარებულ 2021 წლის სეზონს?


    – დიახ ურიგო ნამდვილად არ იყო, თუ არ ჩავთვლით იმას, რომ ეროვნულ ლიგაში პირველი სეზონი ჩავატარე. მოვახერხე და გავიტანე 11 გოლი, ვფიქრობ მეტიც შეიძლებოდა, თუმცა ამ ეტაპისთვის სათანადოდ შევაფასებდი ჩემს მიერ ჩატარებულ 2021 წლის სეზონს.


    – ეროვნულ ლიგაში ძალიან დიდი კონკურენციაა, როგორ ფიქრობ წაადგება თუ არა ეს ყველაფერი საქართველოს ჩემპიონატს?


    – რა თქმა უნდა წაადგება. გუნდები ძლიერდებიან, ყველა ცდილობს მაღალი მიზნებისთვის იბრძოლოს. ჩამოდიან კარგი ლეგიონერები, ბრუნდებიან წარმატებული ქართველი ფეხბურთელები და ვფიქრობ ნელ-ნელა რა თქმა უნდა გაიზრდება დონე დაა აიწევს სათამაშო ტემპიც.


    – ზაფხულში ამხანაგურ შეხვედრებში ვილი სანიოლმა ეროვნულ ნაკრებში გამოგიძახა, როგორი გრძნობა იყო, გაგვიზიარე შენი პირველი ემოციები.


    – დიახ ეს ემოციები დაუვიწყარი იყო. ნაკრების მაისურის მორგება ყველა ქართველის ოცნებაა და ეს ოცნება ავიხდინე. ახლა ვეცდები, რომ ჩემი მაქსიმუმი გავაკეთო, ახლო მომავალში, რომ ისევ გამოვიჩინო თავი და ეროვნულ ნაკრების სიაში სისტემატიურ მოვხვდე. ეს არის ჩემი უმთავრესი მიზანი.


    – ნაკრებში შენს დებიუტზეც, რომ გვესაუბრო…


    – ჩემი დებიუტით გახარებული ვარ. ის ემოციები, რაც სტადიონზე გასვლისას განვიცადე დაუვიწყარია. იმ წამიდან სხვა ფეხბურთელი გავხდი და ბედნიერი ვარ ამ ყველაფრით.


    – როგორ შეაფასებდი ეროვნული ნაკრების მიერ ბოსნია & ჰერცოგოვინის წინააღმდეგ ჩატარებულ მატჩს?


    – დადებითად შევაფასებდი. დღითიდღე უმატებს ჩვენი ნაკრები თამაშს და იხვეწება ის თამაშის სტილი, რაც ჩვენ გვჭირდება წარმატებისთვის. ვფიქრობ ეს ყველაფერი პირველ რიგში ვილი სანიოლის დამსახურებაა და შემდეგ რა თქმა უნდა ბიჭების.


    – რა იქნება შენი მთავარი მიზანი მიმდინარე სეზონში?


    – ჩემი მიზანი ის იქნება, რომ შარშანდელ, წარმატებულ სეზონში გატანილი გოლების რაოდენობა გავაუმჯობესოო და გუნს დავეხმარო დიდი მიზნებისთვის ბრძოლაში.


    – შენს პოზიციაზე ვინ მიგაჩნია მსოფლიოში საუკეთესო ფეხბურთელად და რატომ?


    – ჩემს პოზიციაზე ძალიან ბევრი კარგი ფეხბურთელია, მაგრამ დღესდღეისობით საუკეთესოდ რობერტ ლევანდოვსკი მიმაჩნია.


    – რა გაძლევს მოტივაციას?


    – მოტივაციას პირველ რიგში ის ფაქტი მაძლევს, რომ ჩემს უკან ჩემი ოჯახია. მათ უხარიათ ჩემი წარმატება და ჩემი წარმატებაც გათვლილია მათზე. როცა მე კარგად ვარ ისინიც კარგად არიან. არის ცუდი მომენტები, მაგრამ ისინი სულ ცდილობენ, რომ ჩემი ხასიათი გამოაკეთონ და მე მათთვის მოტივაცია ვარ და ისინი კი ჩემთვის არიან.


    – შენი ოცნების გუნდი?


    – ჩემი ოცნების გუნდი რეალ მადრიდია, ალბათ როგორც სხვა ბევრი ფეხბურთელის.


    – რა არის შენი კარიერის მიზანი?


    – ჩემი კარიერის მიზანი ის არის, რომ ვითამაშო კარგი ფეხბურთი, დავამახსოვრო ქართველ ხალხს ჩემი თავი და შემდეგ უცხოეთშიც გავითქვა სახელი.


    Facebook კომენტარები