ბრიტანულმა გამოცემა, FOURFOURTWO-მ “მანჩესტერ სიტის” ლეგენდარული ფეხბურთელის, გიორგი ქინქლაძის შესახებ საინტერესო სტატია შემოგვთავაზა.

ინგლისურმა სააგენტომ “ქალაქელთა” ისტორიაში საუკეთესო 33 ფეხბურთელი დაასახელა, სადაც გიორგი ქინქლაძემ 23-ე ადგილი დაიკავა.

“კლუბის ქართველმა შემტევმა ნახევარმცველმა გიორგი ქინქლაძემ მანჩესტერ სიტის გულშემატკივრები არაერთხელ გაახარა ჩინებული დრიბლინგებითა და საოცარი გოლებით. ის 1995 წელს დინამო თბილისიდან დაიმატეს. ქინქლაძე სიტის საუკეთესო მოთამაშედ 1996 და 1997 წლებში დაასახელეს. მან ორჯერ მოიგო BBC-ის თვის საუკეთესო გოლის ჯილდო. განსაკუთრებით ყველას ახსოვს მისი გიჟური შერბენა, რომელსაც ოსტატური დარტყმა მოჰყვა საუთჰემპტონთან შეხვედრაში”. - წერია FOURFOURT-ს სტატიაში.

ცნობისთვის, “მანჩესტერ სიტის” გულშემატკივრებს გიორგი ქინქლაძე დღემდე ძალიან უყვართ და აფასებენ.