• 03-10-2022
    სპალეტის უხეში შეძახილი კვარას - რა უთხრა "ნაპოლის" მწვრთნელმა ხვიჩას თამაშისას
    სპალეტის უხეში შეძახილი კვარას - რა უთხრა "ნაპოლის" მწვრთნელმა ხვიჩას თამაშისას
    Aa

    როგორც მოგეხსენებათ, გუშინ ნეაპოლში სერია ა-ს მერვე ტურის მატჩი შედგა, სადაც ადგილობრივმა "ნაპოლიმ" "ტორინოს" დამაჯერებლად მოუგო, ანგარიშით 3:1.


    "პარტენოპეიმ" უპირატესობა ხელთ მალევე იგდო, რაც ზამბო ანგისას დუბლის დამსახურება გახლდათ. მესამე გოლი კი ხვიჩა კვარაცხელიამ 36-ე წუთზე, მოედნის ცენტრიდან დაწყებული სლალომის შემდეგ შეაგდო.


    საინტერესოა, რომ ამ გოლამდე წუთებით ადრე ლუჩიანო სპალეტიმ ქართველ გარემარბს საყვედური მიაძახა.


    "ხომ არ გინდა შეგცვალო?" - ეს გახლდათ გამოცდილი სპეციალისტის გზავნილი კვარას მიმართ.


    როგორც კი "ნაპოლის" 77-მა ნომერმა სპალეტის სიტყვები გაიგო, 50-მეტრიანი სპრინტი შემოგვთავაზა და პიემონტური გუნდის მეკარე დაამწუხრა.


    შეგახსენებთ, რომ სერია ა-ს მიმდინარე სეზონში კვარას მონაგარი 5 გოლი და 1 ასისტია, "ნაპოლი" კი ცხრილის პირველ ადგილზე იმყოფება.

    Facebook კომენტარები