• 05-04-2022
    Calciomercato: კვარაცხელია "ნაპოლისთან" ასე ახლოს არასდროს ყოფილა
    Calciomercato: კვარაცხელია "ნაპოლისთან" ასე ახლოს არასდროს ყოფილა

    იტალიურმა Calciomercato-მ გვამცნო, რომ 21 წლის ქართველი შემტევი ხვიჩა კვარაცხელია კარიერის "ნაპოლიში" გაგრძელებასთან ძალიან ახლოსაა.


    "კვარაცხელია "ნაპოლისთან" ასე ახლოს ჯერ არ ყოფილა და მოლაპარაკებების პროცესი სწრაფად ვითარდება.


    "პარტენოპეისთან" დაახლოვებული წყაროების თანახმად, ტრანსფერის გაჩარხვამდე რამდენიმე დეტალიღაა დარჩენილი. ყველაფერი გვაფიქრებინებს, რომ კვარა ნეაპოლიტანელებთან სულ 1 ნაბიჯში იმყოფება.


    ახლა მოულოდნელი არაფერი ხდება და კლუბი მაქსიმუმს აკეთებს, რათა ხვიჩამ "აძურიში" ითამაშოს. ფეხბურთელი "მილანის" რადარზეც იმყოფებოდა, მაგრამ "ლურჯების" ინტერესი უფრო მტკიცე აღმოჩნდა.


    კლუბის სპორტულმა დირექტორმ გიუნტოლის ქართველი შემტევის წარმომადგენლებთან სულ რამდენიმე შეხვედრა ეყო, რათა მოთამაშისთვის შესაფერისი ადგილი გამოენახა," - წერს გავლენიანი გამოცემა.


    პრესა ასევე გვაუწყებს, რომ დინამო "ბათუმის" ფეხბურთელმა "ნაპოლისთან" ხუთწლიანი კონტრაქტი უკვე შეათანახმა. თუ არაფერი შეიცვალა, სეზონს იგი "აჭარაბეთ არენაზე" ჩაამთავრებს, შემდეგ კი დიეგო მარადონას სახელობის სტადიონზე გააგრძელებს კარიერას.

    Facebook კომენტარები