ინტერესი ლიგა 1-იდან! - რა ბედი ელის გიორგი გულიაშვილს

როგორც მოგეხსენებათ, გიორგი გულიაშვილი “სარაევოს” მაისურით ბრწყინვალედ ასპარეზობს. შესაბამისად, მან უცხოური გუნდების ინტერესიც გამოიწვია.

“სენტ-ეტიენმა” და “ლენსმა” სარაევოსგან გიორგი გულიაშვილის ტრანსფერზე ინფორმაცია გამოითხოვეს.

Geo Team-ის მიერ გავრცელებული ინფორმაციით, ბოსნიელებმა ორივე ფრანგულ გუნდს შეატყობინა, რომ ქართველი ფეხბურთელის ტრანსფერში 3 მილიონ ევროს ითხოვენ. 

სარაევომ 2023 წლის იანვარში გიორგი გულიაშვილი იბერია 1999-დან 120,000 ევროდ იყიდა.

ცნობისთვუს, გიორგიმ მიმდინარე სეზონში ჩატარებულ 17 შეხვედრაში 12 გოლი გაიტანა და 4 საგოლე გადაცემა შეასრულა, რითაც ბოსნიის ჩემპიონატის საუკეთესო ბომბარდირი გახლავთ.