ცუდი ინფორმაცია მამარდასთვის - "ლივერპულში" გადასვლის შემდეგ მას მნიშვნელოვანი ამბავი ელის

საფეხბურთო ჟურნალისტისა და სატრანსფერო ამბების ექსპერტის, ჯეიმს ვილიამის ინფორმაციით, ალისონ ბეკერი 2025 წლის ზაფხულში „ლივერპულს“ არ დატოვებს.

32 წლის ბრაზილიელ მეკარეს სურს, ინგლისური ფეხბურთის გრანდში კონტრაქტით გათვალისწინებული ვადის ბოლომდე დარჩეს და შემდეგ კარიერა სამშობლოში გააგრძელოს. მას რამდენიმე არაბულ გუნდს უკავშირებდნენ.

მოქმედი ხელშეკრულება ალისონსა და „ლივერპულს“ შორის 2027 წლის 30 ივნისამდეა გათვლილი. ის ამჟამად გუნდის ძირითადი მეკარეა.

შეგახსენებთ, რომ მერსისაიდულმა კლუბმა გასულ ზაფხულს „ვალენსიიდან“ 35 მილიონი ევროს სანაცვლოდ გიორგი მამარდაშვილი შეიძინა, რომელიც ესპანურ გუნდში ამჟამად იჯარის წესითაა და „ლივერპულს“ 2025 წლის ივნისში შეუერთდება. ასე რომ, მამარდას ადგილის დამკვიდრებისთვის ბრძოლა მოუწევს.