ჩემპიონთა ლიგა სხვა კონტინენტზე? - რა ცვლილებები შეიძლება ვიხილოთ ტურნირზე

მედიაში გავრცელებული ინფორმაციის თანახმად, ჩემპიონთა ლიგაზე შესაძლოა დიდი ცვლილებები ვიხილოთ.

The Independent-ის ცნობით, UEFA-ს 2027 წელს TEAM Marketing-თან, რომელთანაც 30 წელია თანამშრომლობს, კონტრაქტი ეწურება და შრომითი ხელშეკრულების გაგრძელებას აღარ აპირებს. 

როგორც იწერება, ევროპული ფეხბურთის მმართველი ორგანო თანამშრომლობის დაწყებას "Relevent Sports"-თან გეგმავს. 

ამ კომპანიის მფლობელს, სტივენ როსის აქვს იდეა, რომ ტურნირის რამდენიმე მატჩი ევროპის მიღმა, კერძოდ აშშ-ში ჩატარდეს. 

სხვადასხვა წყაროს ცნობით, ეს ყველაფერი შესაძლოა 2033 წლიდან ვიხილოთ და ახალ კომპანიასთან კონტრაქტის გაფორმების შემთხვევაში ჩემპიონთა ლიგის ჰიმნი და ასევე ბურთის დიზაინიც კი შეიცვლება.