"ესპანელი რომ ვიყო, ტოპ კლუბის მწვრთნელი ვიქნებოდი" - თემურ ქეცბაია

როგორც მოგეხსენებათ, თემურ ქეცბაია შოტლანდიური "მოზერველის" მთავარი მწვრთნელობის კანდიდატია.

ყოფილმა ქართველმა ფეხბურთელმა კვიპროსულ მედიასთან ინტერვიუ ჩაწერა, სადაც ბევრ საინტერესო თემაზე ისაუბრა:

“ველოდები, რა მოხდება. მალე გაირკვევა, წავალ თუ არა შოტლანდიაში მოზერველის მთავარი მწვრთნელის თანამდებობაზე სამუშაოდ. კვიპროსის ნაკრების დატოვების შემდეგ უარი ვთქვი წინადადებებზე საქართველოდან და საბერძნეთიდან.

სიმართლე ის არის, რომ არ მომეცა ევროპის წამყვან ლიგებში მუშაობის საშუალება, მიუხედავად იმისა, რომ ეს დავიმსახურე კვიპროსში ნაჩვენები შედეგებით. ვფიქრობ, კვიპროსულ ფეხბურთს მის საზღვრებს გარეთ სათანადო მნიშვნელობას არ ანიჭებენ და ეს თავის როლს თამაშობს.

როდესაც საქმე მწვრთნელებს შეეხება, პასპორტს დიდი მნიშვნელობა აქვს. სულ სხვაა, როდესაც ესპანური ან პორტუგალიური პასპორტი გაქვს. ესპანელი რომ ვიყო, მწვრთნელი რომელიმე დიდ კლუბში ვიქნებოდი”.