ლუის ენრიკე ლიონთან კვარას მატჩს ეხმაურება - ამ მხრივ ვეძებთ გამოსავალს

საფრანგეთის ლიგა 1-ის 23-ე ტურში პარი სენ-ჟერმენმა ლიონი ძალიან დაძაბულ და ლამაზ მატჩში 3:2 დაამარცხა.

მატჩის MVP ხვიჩა კვარაცხელია გახდა, რომელიც საგოლე პასით გამოირჩა, ამის გარეშეც შესანიშნავად ითამაშა. თამაშის შემდეგ პრესკონფერენციაზე პსჟ-ს მთავარ მწვრთნელ ლუის ენრიკეს ჰკითხეს, ჰქონდა თუ არა, კვარას ერთ-ერთი საუკეთესო თამაში და იქნება თუ არა, ლივერპულთან ძირითად შემადგენლობაში. ესპანელმა კონკრეტიკისგან თავი შეიკავა და უბრალოდ აღნიშნა:

"თითოეული მოთამაშის შემთხვევაში ვცდილობთ, რომ ისინი ისეთ პირობებში ჩავაყენოთ, რათა საუკეთესოდ ითამაშონ. ის ჯერ კიდევ იზრდება, ჯერ კიდევ ადაპტაციის ფაზაშია, მთლად 100%-ით არ გაუვლია. ვეძებთ გამოსავალს, გუნდურ გადაწყვეტილებებს, რომ ყველა მატჩში ყველაზე კონკურენტუნარიანი გუნდი გვყავდეს".