ნუთუ რუსები ბრუნდებიან - ფიფას პრეზიდენტს ერთი გადაწყვეტილება მიღებული აქვს

ბრიტანული გამოცემა Mail Sport-ის ინფორმაციით, ფიფას პრეზიდენტს, ჯანი ინფანტინოს, ახლო მომავალში მსოფლიო ჩემპიონატზე რუსეთის დაბრუნება სურს.

რუსეთი ყველა შესაძლო ტურნირიდან 2022 წელს, უკრაინაში საომარი ქმედებების დაწყების შემდეგ მოიკვეთა და გუნდმა 2022 წლის მსოფლიო, 2024 წლის ევრო და 2024 წლის ოლიმპიადა გამოტოვა. ასევე, არ იგეგმება მათი დაბრუნება არც მომავალი წლის მუნდიალისთვის.

თუმცა, როგორც ხსენებული გამოცემა წერს, პირადად ინფანტინოს სურვილია, რუსეთი მსოფლიო ჩემპიონატზე ახლო პერიოდში დაბრუნდეს.

უკრაინის ფეხბურთის ასოციაციის თქმით კი, საერთაშორისო საფეხბურთო ასპარეზზე რუსეთის დაბრუნება ათასობით ადამიანის ტანჯვის უგულეველყოფა იქნება.