ფრანგმა ქომაგმა ცხოვრება აიწყო - ცნობილია, რა თანხა მოიგო მან პსჟ-ს პენალტებით შემდეგ ეტაპზე გასვლით

11 მარტს "ენფილდზე" საოცარი დრამა ვიხილეთ. "ლივერპულისა" და "პსჟ"-ს 2-მატჩიანი დაძაბული დაპირისპირება პენალტების სერიით დასრულდა.

თერთმეტმეტრიანებში გმირის მანტია ჯანლუიჯი დონარუმამ მოისხა, რომელმაც თავის გუნდს 1/4 ფინალის საგზური მოუპოვა.

აღსანიშნავია, რომ ამ გამარჯვებით ერთ-ერთმა პარიზელმა ფანმა დიდი თანხა მოიგო.

კერძოდ, როგორც გაირკვა, "პსჟ"-ს ქომაგი მატჩის წინ ვარაუდობდა, რომ საქმე პენალტების სერიამდე მივიდოდა და შეხვედრას თავისი საყვარელი გუნდი მოიგებდა.

ამაზე კი მან 1000 ევრო განათავსა და შედეგად 9000 ევრო მიიღო.