საქართველოსთან მატჩის წინ სომხებმა ძალიან დიდი პრობლემა გადაჭრეს

სომხეთისა და საქართველოს ნაკრებების მატჩი, რომელიც ერევნის რესპუბლიკურ სტადიონზე გაიმართება, სავსე ტრიბუნების ფონზე ჩაივლის. ბილეთების გაყიდვაში ჩაშვებიდან რამდენიმე წუთში, ყველა ბილეთი ონლაინ გაიყიდა. თამაში უეფას ერთა ლიგის პლეი ოფის ფარგლებში 20 მარტს არის დაგეგმილი, საპასუხო მატჩი კი 23 მარტს თბილისში გაიმართება.

ამ დუელს ორივე გუნდისთვის დიდი მნიშვნელობა აქვს, რადგან ორ მატჩში გამარჯვებული უეფას ერთა ლიგის B ლიგაში აღმოჩნდება, საქართველო იმისთვის იბრძვის, რომ C ლიგაში არ დაქვეითდეს, სომხეთი კი C-დან დაწინაურებას ეცდება.

სომხეთში დიდი აჟიოტაჟი იყო შექმნილი იმის გამო, რომ მატჩზე დასასწრები ბილეთები დიდი ხნის განმავლობაში არ იყიდებოდა. სომხეთის ფეხბურთის ფედერაციას გარკვეული გადაწყვეტილება ჰქონდა მისაღები, რადგან UEFA-მ ისინი რამდენიმე წესის დარღვევის გამო დააჯარიმა. საბოლოოდ, ვაზგენ სარგსიანის სახელობის სტადიონზე 13 000-ზე მეტი ადამიანი იქნება და საკუთარ ნაკრებს უქომაგებს.