"მეგონა, რომ ხვიჩა მოედანზე არ იყო" - რას წერენ "პსჟ"-ს ფანები კვარაცხელიას თამაშზე

ლიგა 1-ის 26-ე ტურში "პსჟ" საშინაო არენაზე პრინციპულ მეტოქეს "მარსელს" დაუპირისპირდა და მეტოქე 3:1 დაამარცხა.

აღსანიშნავია, რომ ამ შეხვედრაში საწყისივე წუთებიდან ითამაშა ხვიჩა კვარაცხელიამ, რომელმაც მოედანზე 78 წუთი გაატარა, თუმცა თავი საგოლე მოქმედებებით ვერ გამოიჩინა.

ქართველის თამაშს "პსჟ"-ს ფანები საინტერესოდ გამოეხმაურნენ:

"ძალიან სუსტი მატჩი ჰქონდა! მეგონა ხვიჩა მოედანზე არ იყო.

"რა თქმა უნდა, კვარაცხელიასგან მეტს ველით. დღეს იგი თავის თავს არ ჰგავდა.

"ვფიქრობ, ის ძალებს ინახავდა, რადგან წინ ჩემპიონთა ლიგის უმნიშვნელოვანესი მატჩებია.

"ყველაზე ცუდი მატჩი პსჟ-ს მაისურით. ხვიჩასგან ამას მიჩვეულები არ ვართ.

"კვარაცხელია სათანადოდ ვერ გამოიყურებოდა, თუმცა მაინც გავიმარჯვეთ. იმედია, ხვიჩა ასე აღარ ითამაშებს", - წერენ ქომაგები.