საქართველოს ნაკრების ოთხი ფეხბურთელი ერთა ლიგის სიმბოლურ ნაკრებში მოხვდა

ერთა ლიგის B დივიზიონის პლეი-ოფის პირველი მატჩების შემდეგ, საქართველოს ნაკრების ოთხი ფეხბურთელი სიმბოლურ ნაკრებში მოხვდა, ხოლო გიორგი მიქაუტაძე ტურის საუკეთესო მოთამაშედ აღიარეს. ანალიტიკურმა პორტალმა WhoScored-მა საუკეთესო თერთმეტეული შეადგინა, სადაც საქართველოს ნაკრებიდან ოთხი მოთამაშე მოხვდა: 

მეკარე გიორგი მამარდაშვილი (რეიტინგი – 7.9), ნახევარმცველები გიორგი ქოჩორაშვილი (7.8) და გიორგი ჩაკვეტაძე (7.6), ხოლო საუკეთესო შეფასება გიორგი მიქაუტაძემ (8.8) მიიღო. 

„ლიონის“ ქართველმა თავდამსხმელმა სომხეთის წინააღმდეგ გამართულ შეხვედრაში (3:0) დუბლი შეასრულა და არა მხოლოდ მატჩის საუკეთესო ფეხბურთელად დაასახელეს, არამედ სათამაშო დღის საუკეთესო მოთამაშეც გახდა. რაც შეეხება გიორგი მამარდაშვილს, ის საუკეთესო სამ ფეხბურთელს შორის მოხვდა.