ზედიზედ სამჯერ! - საქართველოს ნაკრებისა და ესპანეთის გრძელვადიანი დაპირისპირება

როგორც მოგეხსენებათ, მსოფლიო ჩემპიონატის საკვალიფიკაციო ეტაპზე საქართველოს ნაკრების ჯგუფი ოფიციალურად შეიკრა.

ნიდერლანდებისა და ესპანეთის დაპირისპირებაში გაირკვა, რომ ჩვენი გუნდის ჯგუფში კვლავ "ფურია როხა" იქნება.

ესპანეთისა და საქართველოს დაპირსიპირება უკვე ძალიან ბევრჯერ ვიხილეთ.

ჩვენთვის ის უხერხული მეტოქეა, რადგან ოფიციალურ შეხვედრაში მუდამ ვმარცხდებით.

ისინი ერთადერთხელ 2016 წელს ამხნაგურ მატჩში 1:0 დავამარცხეთ.

მათ წინააღმდეგ სულ 8-ჯერ ვითამაშეთ:

პირველად საქართველომ ესპანეთის წინააღმდეგ 2012/13 წელს 2014 წლის მსოფლიო ჩემპიონატის შესარჩევ ეტაპზე ითამაშა, სადაც პირველ მატჩში 0:1 დავმარცხდით, მეორეში კი 2:0.

ამის შემდეგ 2016 წელს ერთი ამხანაგური მატჩი ჩვენი გამარჯვებით დასრულა 0:1.

2021 წლიდან კი მსოფლიოსა და ევროპის ჩემპიონატების ყველა შესარჩევ ეტაპზე მათ შევეჩეხეთ.

2022 წლის მოსფლიო ჩემპიონატის საკვალიფიკაციო ეტაპის ჯგუფში მათ ორჯერ ვეთამაშეთ: "დინამო არენაზე" 1:2, გასვლაზე კი 4:0 დავმარცხდით.

2023 წელს 2024 წლის ევროს შესარჩვეშიც ორჯერ ვითამაშეთ: "დინამო არენაზე" 1:7, გასვლაზე კი 3:1 დავმარცხდით.

ბოლოს კი უშუალოდ სადებიუტო ევროპის ჩემპიონატზეც მოგვაკითხეს 1/8-ფინალში, სადაც 4:1 დავმარცხდით.

ახლა კი მათ ზედიზედ მესამე საკვალიფიკაციო ეტაპზე დავუპირისპირდებით.

აქცე გეტყვით, რომ ამ გუნდებს შორის პირველი მატჩი 11 ოქტომბერს ესპანეთში, მეორე კი 15 ნოემბერს საქართველოში გაიმართება.