კვარას კონკურენტი მიდის? - ბარკოლას ძალიან დიდი გუნდი ყიდულობს

გერმანული გამოცემა "Bild"-ი ავრცელებს ინფორმაციას, რომ მიუნხენის "ბაიერნი" "პსჟ"-ს ვინგრის, ბრედლი ბარკოლას შეძენით ინტერესდება.

წყაროს ცნობით, "ბავარიელთა" მთავარ მწვრთნელს, ვინსენტ კომპანის ფრანგის თამაში ძალიან მოსწონს და ის მას თავის კლუბში ხედავს.

როგორც ცნობილია, ბელგიელი სპეციალისტი "პსჟ"-სა და "მარსელის" მატჩს სწორედ ბარკოლას დასაკვირვებლად დაესწრო.

აქვე მოგახსენებთ, რომ ბარკოლას მიმდინარე სეზონში 43 მატჩი აქვს ჩატარებული, სადაც თავი 18 გოლითა და 12 საგოლე პასით გამოიჩინა.