რა მოხდა ბოლოს, როცა კვარა და ზურიკო ერთმანეთს საკუთარი კლუბებით დაუპირისპირდნენ

როგორც მოგეხსენებათ, დღეს ლიგა 1-ში ერთმანეთს "სენტ-ეტიენი" და "პსჟ" დაუპირისპირდებიან, რაც იმას ნიშნავს, რომ ბავშვობის მეგობრები, ზურიკო დავითაშვილი და ხვიჩა კვარაცხელია მოედანზე ერთმანეთის მეტოქეებად წარდგებიან.

შეხვედრაში ფავორიტი, რა თქმა უნდა, კვარაცხელიაა, რადგან მისი გუნდი ჩემპიონობისთვის იბრძვის, "სენტ-ეტიენი" კი ლიგაში დასარჩენად.

გავიხსენოთ, რა მოხდა ბოლოს, როცა კვარა და ზურიკო ერთმანეთს გუნდებით დაუპირისპირდნენ.

ეს 2021 წლის 30 ივლისს რუსეთის პრემიერ ლიგაში მოხდა - "არსენალ ტულამ" "რუბინ ყაზანს" უმასპინძლა.

შეხვედრა სტუმრების სასარგებლოდ 0:3 დასრულდა. ერთი გოლი კვარამაც გაიტანა.

აღსანიშნავია, რომ ეს შეხვედრა ორივე ქართველმა სასტარტო შემადგენლობიდან დაიწყო.