გიორგი მიქაუტაძე პრემიერ ლიგის გუნდს სურს - რა ინფორმაცია ვრცელდება ინგლისურ პრესაში

ინგლისურ მედიაში იწერება, რომ "ვესტ ჰემის" შემტევის, მოჰამედ კუდუსის შეძენით არაერთი გუნდია დაინტერესებული და "ჩაქუჩებს" მისი ზაფხულში შენარჩუნება გაუჭირდებათ.

როგორც ცნობილია, კლუბი მის გაყიდვას შეგუებულია და უკვე მის შემცვლელ ეძებს.

გამოცემა "Onefootball" იუწყება, რომ "ვესტ ჰემს" გიორგი მიქაუტაძეზე უდგას თვალი:

"მიქაუტაძე "ლიონში" მუდმივად განსხვავებული რაღაცების შემქმნელია, როდესაც ის იწყებს შეტევას, 90 წუთის მონაცემებით საშუალოდ ქმნის: 1.1 საკვანძო პასს, 1.1 წარმატებულ დრიბლინგს, შეუძლია საშუალოდ 0.7 გოლის გატანა და 0.3 საგოლე გადაცემის შექმნა ან 1.0 გოლის გატანაში წვლილის შეტანა.

ევრო 2024-ზე ქართველი ვარსკვლავი ძალიან ხარისხიან ფეხბურთს აჩვენებდა, თავისი მაღალი დონე კი მან საფრანგეთშიც დაამტკიცა. ის არის ფეხბურთელი, რომელსაც როგორც გოლების გატანა, ასევე საგოლე მომენტების შექმნა შეუძლია.

ასე რომ, გარკვეულწილად, მიქაუტაძე იქნებოდა კუდუსის უფრო ნაკლებ ღირებულებიანი ვერსია, უფრო მეტი გოლის საფრთხის შემცველობით და სწორედ ამას ეძებს "ვესტ ჰემი", ისინი ეძებენ მოთამაშეს, რომელსაც შეტევის კარგად წარმართვა შეუძლია ლუკას პაკეტასთან, კრისენსიო სამერვილთან და ბოუენთან ერთად", - წერს გამოცემა.