"ჩემი გოლი კვარას გოლს სჯობდა" - დეზირე დუე მატჩის შემდეგ

ჩემპიონთა ლიგის 1/4-ფინალის პირველ შეხვედრაში "პსჟ"-მ "ასტონ ვილა" ანგარიშით 3:1 დაამარცხა. 

პარიზელთა მხრიდან პირველი გოლი დეზირე დუემ გაიტანა, მეორე ხვიჩა კვარაცხელიამ, საბოლოო ანგარიში კი ნუნუ მენდეშმა დააფიქსირა.

სამივე გოლი გამორჩეული სილამაზის იყო.

მატჩის შემდეგ დუემ გოლები ერთმანეთს შეადარა:

"გოლის მომენტში თავიდან ჩაწოდება მინდოდა, მაგრამ დავინახე, რომ ჩასაწოდებლად საჯარიმოში ვარიანტები ნამდვილად არ იყო, ამიტომ, დავარტყი. ძალიან მიხარია, რომ ამ გუნდში ვარ. მატჩის საუკეთესო გოლი? ჩემია, ჩემია (იღიმის), გულწრფელად", - განაცხადა დუემ.