სუპერკომპიუტერმა შანსები გაანაწილა - ვინ მოიგებს ჩემპიონთა ლიგას

როგორც მოგეხსენებათ, 2024/25 წლების ჩემპიონთა ლიგა დასკვნით ფაზაში შედის.

ნახევარფინალში წყვილები ასე განაწილდნენ:

"პსჟ" - "არსენალი"

"ბარსელონა" - "ინტერი"

რა საკვირველია, ქართველი ქომაგი განსაკუთრებულ ყურადღებას პარიზულ გუნდს აქცევს, რადგან ხვიჩა კვარაცხელიას ახალ გუნდში პირველივე სეზონში ოცნების ტიტულის მოგების დიდი შანსი აქვს.

ერთ-ერთი ყველაზე დიდი საფეხბურთო პორტალის, "Opta"-ს სუპერკომპიუტერმა დარჩენილი გუნდების ჩემპიონობის შანსები პროცენტულად შეაფასა.

მისი აზრით, ლიგის მოგების მთავარი ფავორიტი 28,7%-ით ლონდონის "არსენალია".

მეორე ადგილზე მილანის "ინტერია" 25,5%-ით.

მესამეზე "პსჟ" 24,0%-ით.

ხოლო ბოლო ადგილზე კატალონიის "ბარსელონა" 21,8%-ით.

პროცენტულ მაჩვენებლებს შორის არც თუ ისე დიდი სხვაობაა, რაც ნიშნავს იმას, რომ სანახაობრივ ნახევარფინალებსა და ფინალს ვიხილავთ.