რუსი მწვრთნელი სიომინი - ოქროს ბურთი კვარას? ამაზე ერთი საინტერესო პასუხი არსებობს

მოსკოვის „ლოკომოტივში“ ხვიჩა კვარაცხელიას ყოფილმა მწვრთნელმა, იური სიომინმა ქართველი შემტევის შესახებ ისაუბრა და პსჟ-ში მისი როლი ფუნდამენტურად შეაფასა. რას ამბობს სიომინი: 

„კვარაცხელია პსჟ-ში საერთოდ სხვა დონეზე თამაშობს. ხვიჩა პარიზში ევროპული დონის მოთამაშედ ჩავიდა და მაშინვე დაიკავა სასტარტო შემადგენლობაში ადგილი. მგონია, რომ „ბარსელონას“ შემდეგ პსჟ-ს ევროპაში საუკეთესო შეტევითი ტრიო ჰყავს, მაგრამ შესაძლოა, პარიზელთა შეტევა უფრო უკეთესიც იყოს. „არსენალთან“ ხვიჩამ კიდევ ერთხელ დაამტკიცა, რომ დიდ თამაშებში ზეწოლას არ განიცდის და მატჩის სცენარის თავის თავზე აღება შეუძლია. მგონია, რომ ის მალე ოქროს ბურთის მოგების კანდიდატებს შორის სამეულში იქნება“.

შეგახსენებთ, რომ ჩემპიონთა ლიგის ნახევარფინალის პირველ შეხვედრაში, კვარაცხელიას „პარი სენ-ჟერმენი“ სტუმრად „არსენალს“ დაუპირისპირდა. ხვიჩამ საგოლე გადაცემა მიითვალა და მისი გოლით უსმან დემბელემ გაიტანა, პსჟ-მ კი მინიმალური ანგარიშით, 1:0 იმარჯვა. ხვიჩა კვარაცხელიამ პსჟ-ის მაისურით ყველა ტურნირზე 22 მატჩი ჩაატარა, 4 გოლი გაიტანა და 5 საგოლე გადაცემა შეასრულა.