კვარასთვის ადგილი ვერ გამოინახა - ცნობილია ჩემპიონთა ლიგის კვირის სიმბოლური გუნდი

ევროპული ფეხბურთის მმართველმა ორგანომ ჩემპიონთა ლიგის ნახევარფინალური ეტაპის პირველი მატჩების შემდეგ კვირის სიმბოლური გუნდი დაასახელა.

შეგახსენებთ, რომ „პარი სენ-ჟერმენმა“ სტუმრად ლონდონის „არსენალი“ 1:0 დაამარცხა, ხოლო „ბარსელონასა“ და „ინტერის“ მატჩი ფრედ, 3:3 დასრულდა.

სიმბოლურ თერთმეტეულში ყველაზე მეტი, ოთხი ფეხბურთელი „პარი სენ-ჟერმენიდან“ მოხვდა, სამი – „ბარსელონადან“, სამი – „ინტერიდან“, ხოლო ერთი – „არსენალიდან“.

მეკარე: ჯანლუიჯი დონარუმა („პარი სენ-ჟერმენი“).

მცველები: მაილს ლუის-სკელი („არსენალი“), ფრანჩესკო აჩერბი („ინტერი“), მარკინიოსი („პარი სენ-ჟერმენი“), დენზელ დუმფრისი („ინტერი“).

ნახევარმცველები: პედრი („ბარსელონა“), ვიტინია („პარი სენ-ჟერმენი“), ნიკოლო ბარელა („ინტერი“).

თავდამსხმელები: რაფინია („ბარსელონა“), უსმან დემბელე („პარი სენ-ჟერმენი“), ლამინ იამალი („ბარსელონა“).

ჩემპიონთა ლიგის განმეორებითი ნახევარფინალური შეხვედრები 6-7 მაისს ჩატარდება, ხოლო ფინალს 31 მაისს მიუნხენი უმასპინძლებს.