ხაბიბ ნურმაგომედოვი: "ვფიქრობ, სწორედ ამ მიზეზის გამო პსჟ ჩემპიონთა ლიგას მოიგებს"

UFC-ის ლეგენდამ და ყოფილმა ჩემპიონმა ხაბიბ ნურმაგომედოვმა ფრანგულ IbraTV-სთან ინტერვიუში აღნიშნა, რომ "პარი სენ-ჟერმენის" გულშემატკივარია.

დაღესტნელი სპორტსმენის თქმით, პარიზულ კლუბს მეგობრული კავშირები აკავშირებს:

„მე პსჟ-ს ვქომაგობ, რადგან იქ ჩემი არაერთი მეგობარი მუშაობს, მათ შორის კლუბის პრეზიდენტი ნასერ ალ ხელაიფი. ამიტომაც, როცა არჩევანის წინაშე ვდგავარ – პსჟ თუ „მარსელი“, ცალსახად პარიზელების მხარეს ვარ“.

ნურმაგომედოვმა კლუბის ბოლო წლების პროგრესზეც ისაუბრა და ჩემპიონთა ლიგაზე წარმატება უსურვა:

„უკანასკნელი 15 წელია, პსჟ ფრანგულ ფეხბურთს ევროპულ არენაზე მკაფიოდ ამკვიდრებს. ვფიქრობ, წელს რეალური შანსი აქვთ ჩემპიონთა ლიგის დასაპატრონებლად. გულწრფელად მსურს, რომ ეს ტიტული მოიგონ, რადგან იმსახურებენ — განსაკუთრებით ნასერი. ამ პროექტში ძალიან ბევრი ფული, დრო და ენერგიაა ჩადებული“, – თქვა ხაბიბმა.

შეგახსენებთ, ჩემპიონთა ლიგის ნახევარფინალის საპასუხო შეხვედრაში „პარი სენ-ჟერმენი“ 7 მაისს „არსენალს“ დაუპირისპირდება.