ზურიკო და დუე ერთად - დავითაშვილი ყველასგან გამოარჩიეს

"გასულ ზაფხულს „ბორდოდან“ სულ რაღაც 6 მილიონ ევროდ დამატებული დავითაშვილის ანგარიშზე უკვე 16 საგოლე მოქმედებაა (9 გოლი, 7 საგოლე პასი), რითაც არ შეიძლება არ აღფრთოვანდე. მისთვის განსაკუთრებით დასამახსოვრებელი საშემოდგომო ეტაპი იყო, როდესაც „ოსერთან“ ჰეთ-თრიკი, „ანჟერთან“ კი დუბლი შეასრულა და საშუალო შეფასების სახით, ათბალიანი სისტემით 8,12-ს იღებდა

არანაკლებ დასამახსოვრებელი გამოდგა აპრილიც, რომლის დროსაც გამართული ოთხი მატჩიდან ორში მან გადამწყვეტი როლი ითამაშა. დავითაშვილსა და პსჟ-ს ვარსკვლავს, დეზირე დუეს ათბალიანი სისტემით გასულ თვეში თითქმის იდენტური მაჩვენებელი ჰქონდათ და როგორც ერთს, ასევე მეორეს თავიანთი გუნდების წარმატებულ გამოსვლაზე გადამწყვეტი გავლენის მოხდენა შეეძლოთ", - წერს გამოცემა.