მას თავისი გზა აქვს, მე კი ჩემს გზაზე ვარ - ლუის ენრიკეს განცხადება

პარი სენ-ჟერმენის მთავარმა მწვრთნელმა, ლუის ენრიკემ „სტრასბურგთან“ 1:2 წაგების შემდეგ პრესკონფერენციაზე საკუთარი გუნდის გამოსვლა დადებითად შეაფასა.

„კმაყოფილი ვარ იმით, რაც მოედანზე ვნახე — განსაკუთრებით ახალგაზრდა ფეხბურთელების მონდომებით და შემართებით. ძირითადი შემადგენლობის ოთხი მოთამაშე აკადემიიდან იყო და ვფიქრობ, ასეთი თამაშები ჩემპიონთა ლიგის ნახევარფინალისთვის კარგი მზადებაა. ქულასთან ახლოს ვიყავით და ანგარიშის გათანაბრების რეალური შანსიც გვქონდა“, — განაცხადა ესპანელმა სპეციალისტმა.

რაც შეეხება მიკელ არტეტას გადაწყვეტილებას, „ბორნმუთთან“ მატჩში ძირითადი შემადგენლობის 9 ფეხბურთელი დაეყენებინა, ლუის ენრიკემ ასე უპასუხა: „არტეტას საკუთარი ხედვა აქვს და საუკეთესო იცის, რა სჭირდება მის გუნდს. მეც ჩემი მიდგომა მაქვს და ბოლოს გავიგებთ, ვის სტრატეგიას მოაქვს მეტი შედეგი“.

შეგახსენებთ, პსჟ და „არსენალი“ ერთმანეთს განმეორებით შეხვედრაში 7 მაისს, თბილისის დროით 23:00 საათზე, „პარკ დე პრენსზე“ დაუპირისპირდებიან.