ითამაშებს თუ არა დემბელე "არსენალის" წინააღმდეგ - უკანასკნელი ცნობა პსჟ-ს ბანაკიდან

„არსენალთან“ ჩემპიონთა ლიგის განმეორებითი ნახევარფინალის წინ პსჟ-ს გულშემატკივრებში უსმან დემბელეს ფიზიკური მდგომარეობა დაძაბულობას იწვევს.

„სტრასბურგთან“ წაგებული მატჩის დროს დემბელე გუნდთან ერთად არ იმყოფებოდა — ლუის ენრიკემ ის განაცხადში არ შეიყვანა და სახლში დატოვა. ფრანგული მედიის ინფორმაციით, დემბელემ გუშინ ინდივიდუალურად, სატრენაჟორო დარბაზში ივარჯიშა, დღეს კი სავარაუდოდ საერთო ვარჯიშში ჩაერთვება და დიდი შანსია, რომ ოთხშაბათს თამაშისთვის მზად იყოს.

რაც შეეხება ლის — მას კოჭის მიდამოში აქვს შეშუპება და ამ ეტაპზე გაურკვეველია, შეძლებს თუ არა თამაშს. ლუკა ერნანდესს მცირე დისკომფორტი აწუხებს ზურგის არეში, თუმცა ეს სერიოზულ შფოთვას არ იწვევს.