ჩაკვეს, კვარას და მამარდას გარეშე - ვინ დააკლდება საქართველოს ნაკრებს ივნისის ამხანაგურ მატჩებში

როგორც მოგეხსენებათ, ივნისში საქართველოს ნაკრები 2 ამხანგურ მატჩს გამართავს.

5 ივნისს ჩვენი გუნდი "დინამო არენაზე" ფარერებს უმასპინძლებს.

8 ივნისს კი კაბო ვერდეს წინააღმდეგ მატჩი ქუთაისში, რამაზ შენგელიას სახელობის სტადიონზე გაიმართება.

ამ მატცჩებში "ჯვაროსნებს" რამდენიმე ლიდერი სხვადასხვა მიზეზებით დაკლდებიან.

პირველ რიგში ვისაუბრთ ხვიჩა კვარაცხელიას.

ხვიჩას ჩემპიონთა ლიგისა და და ლიგა 1-ის შემდეგ "პსჟ"-სთან ერთად მსოფლიო საკლუბო ჩემპიონატზე უწევს თამაში, რომელიც განახლებული ფორმატით პირველად გაიმართება.

ამ ტურნირის გამო პარიზული გუნდი ქართველს ნაკრებში წასვლის საშუალებას არ მისცემს. თანაც ამხანაგური მატჩები ნაკლებად მნიშვნელოვანია.

არსებობს შანსი, რომ შეკრებვა ლუკა ლოჩოშვილმა გამოტოვოს, რადგან მისი "სალერნტიანა" სერია ბ-ში დარჩენისთვის იბრძვის და თუ გუნდი პლეი-ოფის ზონაში მოხვდა, ლუკა ნაკრებს ვერ დაეხმარება.

იგივე მიზეზი აქვთ გიორგი ქოჩორაშვილსა და ბუდუ ზივზივაძეს.

ქოჩორას "ლევანტე" ლა ლიგაში დაწინაურებისთვის იბრძვის და შესაძლოა ისიც პლეი-ოფის ზონაში მოხვდეს.

ბუდუს "ჰაიდენჰაიმმა" კი შესაძლია ბუნდესლიგაში დასარჩენი პლეი-ოფი ითამაშოს.

ასევე წინა სანაკრებო პაუზაზე ჩვენი გუნდის მთავარმა მწვრთნელმა განაცხადა, რომ მომავალ ამხანაგურ მატჩებში შანსს ლუკა გუგეშაშვილი მიიღებდა. 

შესაბამისად, გიორგი მამარდაშვილს დასვენება მოუწევს.

ივნისის მატჩებს გიორგი ჩაკვეტაძეც გამოტოვებს, რომელიც ამ ეტაპზე ტრავმირებულია და რეაბილიტაციის პროცესს გადის.

ეს იქნება შანსი ახალგაზრდა ფეხბურთელებისთვის და ვილი სანიოლისთვის, რომელსაც შეუძლია რამდენიმე ექსპერიმენტი ჩაატაროს.