მიხეილ აშვეთია: "კვარა ყველაზე მეტად ყიფიანს მახსენებს - ის საქართველოს ისტორიაში საუკეთესო ფეხბურთელი იქნება"

საქართველოს ნაკრების ყოფილი თავდამსხმელი, მიხეილ აშვეთია რუსულ გამოცემა Championat-ს ხვიჩა კვარაცხელიას შესახებ ესაუბრა და ქართველი ვარსკვლავის მიმართ დიდი შთაბეჭდილება გამოთქვა.

„მესხის თამაშები არ მახსოვს, თუმცა 80-იან წლებში ბევრი გამორჩეული მოთამაშე გვყავდა — ყიფიანი, გუცაევი, შენგელია, დარასელია... ვისაც ჩანაწერებში ვუყურე, მათ შორის ხვიჩა ყველაზე მეტად დავით ყიფიანს მაგონებს. იმედია, არავინ მიწყენს, მაგრამ თუ ასე გააგრძელა, შეიძლება იგი საქართველოს ისტორიაში საუკეთესო ფეხბურთელადაც კი ჩამოყალიბდეს.

იტალიაში პირველივე სეზონში ჩემპიონობა მოიგო, ახლა კი მენეჯმენტის ნდობით სარგებლობს — ლუის ენრიკე აფასებს მის შესაძლებლობებს. ესპანელი სპეციალისტი ჭკვიანი კაცია, კარგად ხედავს, რომ ხვიჩა მისთვის უმნიშვნელოვანესი ფიგურაა. კვარაცხელია კი იმედებს ამართლებს: „არსენალთან“ მატჩში, ჩემი აზრით, საუკეთესო იყო — შეტევაში თავისი საქმე გააკეთა და დაცვაშიც აქტიურად ჩაერთო, რაც ადრე მის სუსტ მხარედ ითვლებოდა. ორივე ფლანგზე თანაბარი ეფექტურობით თამაშობს და დღეს ბევრად უფრო მრავალფეროვანი იარაღები აქვს შეტევაში“, — აღნიშნა აშვეთიამ.