ქართველ ფეხბურთელებს რუსეთთან თამაშის გამბედაობა არ ეყოფათ - ამბობს რუსული დუმის დეპუტატი

რუსეთის ფედერაციის სახელმწიფო დუმის წევრმა, სვეტლანა ჟუროვამ კომენტარი გააკეთა რუსეთსა და საქართველოს შორის ამხანაგური მატჩის შესაძლო გამართვაზე.

"რა თქმა უნდა, ასეთი მატჩის ჩატარება ღირს, თუმცა უნდა გავითვალისწინოთ, რომ საქართველოში საზოგადოების ნაწილი ამას უარყოფითად შეხვდება. ამასთან ერთად, არსებობს ალბათობა, რომ საქართველოს ეროვნული ნაკრების ფეხბურთელები, სულ მცირე, უკრაინის, და შესაძლოა სხვა ქვეყნების მიერ სანქცირებულთა სიაში აღმოჩნდნენ.

მხოლოდ იმ სპორტსმენებს, ვინც სპორტს პოლიტიკაზე მაღლა აყენებს და ნამდვილ ჩემპიონებად ითვლებიან, შეეძლებათ მსგავს მატჩზე დათანხმება. თუმცა არ ვფიქრობ, რომ საქართველოს ყველა ფეხბურთელი ამ ნაბიჯის გადადგმას შეძლებს – ბევრი მათგანი, დიდი ალბათობით, უარს განაცხადებს რუსეთის ნაკრებთან დაპირისპირებაზე", – წერს ВсеПроСпорт ოლიმპიური და მსოფლიოს ჩემპიონი, წარსულში ფიგურისტი, ჟუროვას სიტყვებზე დაყრდნობით.