"ბარსას" ფეხბურთელმა ახსნა, თუ რატომ შეაფურთხა აჩერბის მატჩის დროს

ბარსელონას მცველმა ინიგო მარტინესმა დაადასტურა, რომ ინტერის ფეხბურთელ ფრანჩესკო აჩერბის შეაფურთხა და წითელ ბარათს მხოლოდ იმის გამო გადაურჩა, რომ ააცილა.

"როდესაც ანგარიში 2:0 გახდა, ის ძალიან ცუდად მოიქცა. ხმამაღლა ზეიმობდა და პირდაპირ ყურში ჩამყვირა. ცხადია, ჩემი მხრიდან მაინც გადამეტებული რეაქცია იყო, თუმცა, არ მომიხვედრებია. დაახლოებით ერთი მეტრით ასცდა. ასე რომ არ ყოფილიყო, დარწმუნებული ვარ, მსაჯი გამაძევებდა", - განაცხადა ინიგომ.

ინტერმა დამატებით დროში 4:3 იმარჯვა და ჩემპიონთა ლიგის ფინალში პსჟ-სა და არსენალს შორის უმჯობესს ელის. პარიზელები ფავორიტები არიან, რადგანაც ლონდონში გამართული მატჩი 1:0 აქვთ მოგებული.