"კვარაცხელიას ამ მხრივ პრობლემები აქვს" - რას წერენ ფრანგული გამოცემები ქართველზე

Footmercato: კვარაცხელიას ტრანსფერი მალე პსჟ-ის ისტორიაში საუკეთესო ზამთრის შენაძენი გახდება. მატჩიდან მატჩამდე ხვიჩას ძალიან დიდი სარგებელი მოაქვს. მეტოქის მცველისთვის ის საფრთხის მუდმივი წყაროა, დაცვაში პროფესიონალია და შესანიშნავი დარტყმა აქვს. ამჯერად პირველ ტაიმში მისი დარტყმული ბურთი ძელს მოხვდა, თუმცა ის პარიზელთათვის იმდენად მნიშვნელოვანია, რომ უბრალოდ გასაკვირია, როგორ ახერხებდა თამაშს პსჟ მის გარეშე.

L'Equipe: ქართველი ძალიან პროდუქტიული იყო დაცვითი ფუნქციების შესრულებისას, კარგად დაბლოკა „არსენალის“ ფეხბურთელთა დარტყმები 37-ე და 49-ე წუთებზე. მისი დარტყმა, რომელიც ძელს მოხვდა, და პასი ბარკოლაზე 30-ე წუთზე პირველი ტაიმის კულმინაციად იქცა. ხშირად აპროტესტებდა მსაჯის გადაწყვეტილებებს, ჰქონდა მცირე დაპირისპირება კალაფიორისთან და თავის თანაგუნდელ დუესთანაც კი, რომელმაც მე-16 წუთზე პასი არ მისცა. რაც ყველაზე მთავარია, მან მიიღო მონაწილეობა შეტევაში, რომელსაც პარიზელთა მეორე გოლი მოჰყვა.