“ჩელსის” წყალობით! - ლონდონელები “სპაერს” დაეხმარნენ

28 მაისს თბილისის დროით 23:00 საათზე კონფერენს ლიგის ფინალურ შეხვედრაში “რეალ ბეტისისა” და ლონდონის “ჩელსის” დაპირისპირებას ვიხილავთ.

სევილიელებს ევროპა ლიგაზე გასვლა განაღდებული აქვს. ლონდონურმა გუნდმა “ნოტინგემ ფორესტის” დამარცხების შემდეგ ჩემპიონთა ლიგაზე გასვლა გაინაღდა.

რაც არ უნდა უცნაურად ჟღერდეს “ჩელსი” ამ გამარჯვებით “სპაერს” დაეხმარა.

თბილისურ გუნდს აქამდე კონფერენს ლიგის 1-ელ საკვალიფიკაციო ეტაპზე უნდა ეასპარეზა, ამიერიდან კი მე-2 საკვალიფიკაციო ეტაპიდან ასპარეზობა მოუწევს.

ცნობისთვის, “სპაერმა” კონფერენს ლიგის საგზური საქართველოს თასის ფინალში თბილისის “დინამოს” დამარცხების შემდეგ მოიპოვა.