საფეხბურთო გენიოსის ბოლო თავი - ბუსკეტსი კარიერას ასრულებს

 ლეგენდარულმა ესპანელმა ნახევარმცველმა სერხიო ბუსკეტსმა საფეხბურთო კარიერის დასრულების გადაწყვეტილება მიიღო, ამის შესახებ მან ოფიციალურად დაადასტურა.

მისი თქმით, მიმდინარე MLS სეზონის დასრულების შემდეგ, ის საფეხბურთო კარიერას დაემშვიდობება.

სერხიო ბუსკეტსმა საფეხბურთო სამყაროში დიდი კვალი დატოვა – ის „ბარსელონას“ და ესპანეთის ნაკრების ერთ-ერთი ყველაზე წარმატებული ფეხბურთელი იყო, რომელმაც მოიგო როგორც მსოფლიო ჩემპიონატი, ასევე ევროპის ჩემპიონატი და კლუბურ დონეზე ყველა მნიშვნელოვანი ტიტული.

 „ბარსელონაში“ ბუსკეტსმა 700-ზე მეტი მატჩი ჩაატარა და „ტიკი-ტაკას“ ეპოქის ერთ-ერთ მთავარ სიმბოლოდ იქცა.

კარიერის დასრულების შემდეგ, ის სამუდამოდ დარჩება როგორც ფეხბურთის ნამდვილი ლეგენდა და საფეხბურთო ისტორიის ერთ-ერთი ყველაზე დიდი ნახევარმცველი.